متى احتاج استشاري علاقات زوجية؟

Mohamed Sharaf Eldin Mohamed Sharaf Eldin
مقالة Relationship Coaching تاريخ النشر : 2 months ago

- لما أكون حاسس أنني بابذل مجهود أكبر بكثير من العائد اللي راجع من العلاقة.

- لما أكون مهتم أنني أضبط مسار العلاقة علشان ترجع لمسارها السليم بعد ما بدأت تشطح في اتجاه ثاني.

- لما أكون مش عارف أحط حدود واضحة لنفسي ومحتاج أضبط الأدوار بشكل سليم.

- لما يكون فيه خلافات مستمرة مش بنعرف نسويها.

- لما يبدأ حد من أطراف العلاقة يفقد الشغف أو الانتماء للعلاقة ويبني حيطة سد مع باقي المنظومة.

- لما يكون أغلب الحوار اتهامات ولوم ونقد وتبدأ لغة فيها استعلاء وازدراء وسخرية وتنكيت وتبكيت وتبرير وطناش، والاشاعات بقت حقايق بتتصدق والحقايق البسيطة لازم تثبتها.

- لما يكون ما فيش ثقة وفيه تخوين وشك مستمر.

- لما نكون مش عارفين نتواصل كويس وحاسين بغربة، ومافيش أريحية، واننا مش في مكاننا.

- لما نكون مش فاهمين الكلام اللي قدامنا بيقولوه لنا قدامنا ومش فاهمين هم ليه شايفينا كده، ومش شايفينا زي ما احنا عاوزينهم يشوفونا.

- لما نكون عندنا احباطات مستمرة من علاقات لا تلبي توقعاتنا.

- لما نكون حاسين ان صوتنا مش مسموع وان ماحدش فاهمنا ولما نضطر نلبس ماسكات علشان نمشيها وعلشان المصلحة .

- لما نكون مش عارفين نثق في حد ولا نبني علاقات قريبة وحميمة ودايما بيجيلنا إحباطات من الناس.

- لما نكون محتاجين نحط هدف وغرض واضح وقاعدة مشتركة لتنظيم العلاقة لتكون أكثر انتاجية.

- لما نكون عاوزين نسمع كل الاصوات اللي موجودة ونعمل حالة توافق حقيقية تراعي الكل.

- لما نكون محتاجين نسمي اجراءات وانماط وافعال باسمها الصحيح وندي لكل حاجة اهميتها ووزنها وقيمتها، وتظهر قدامنا منظومة القيم اللي بتعرف ثقافة المكان والعلاقة كويس، بحيث يشوفها الكل ويقدروها.

- لما نكون عاوزين ننهي علاقة بشكل سوي من غير ما حد يؤذي التاني، ونتعامل مع المشاعر المرتبطة بالانفصال بشكل مناسب وفعال.

الكلام اللي فوق ده كلنا بنتعرض له أيا كانت علاقة شغل أو جواز أو صحوبية، والكوتشنج بيبقى حل ممتاز طول ما العلاقة مهمة بالنسية لنا، وطول ما عندنا قدرة ان نقدر نغير ده وشايفين ان العائد على المجهود والاستثمار المطلوبين هيساعدنا اننا نوصل للي احنا عاوزينه هيكون كوتش العلاقات دايما جاهز في خدمتكم.

© HUD Systems 2019