متلازمة ال Job Burnout

Aya Eldighady Aya Eldighady
مقالة Career Coaching تاريخ النشر : 1 year ago

ال Job Burnout هي ظاهرة بيعاني منها جيل الألفية بسبب ضغوط العمل بتظهر في حالة من الإرهاق البدني والنفسي والعقلي مع شكوك في قيمة العمل وقدرة الشخص علي مواصلته.

مؤشرات ال Job Burnout:
- بيبدء الشخص يكون تاقد جدا ومش مستحمل تفاصيل شغله "حتى لو بيحبه".

- الشخص متعصب من زملاءه أو العملاء بتوعه وحتى أهله وأصدقائه.

- مفيش طاقة لأداء لل Productivity.

- عدم الرضا ولا السعادة بانجازات العمل والحياة بشكل عام.

- عادات النوم والأكل بتتغير، سواء نوم أو أكل كتير أو آرق ومفيش شهية لأي حاجة.

- أكل وأحيانا مخدرات وخمور لتخدير مشاعر الضغط والإحباط وخيبة أمل.

- مشاكل في التركيز والذاكرة.

- الشخص مش مهتم بنفسه ولا بصحته بسبب الاحباط وعدم الحماس

كده نعرف إننا بنعاني من ال Burnout Syndrome

طيب إيه اللي بيسبب الحالة دي:
- الشغل مش متماشي مع قيم الشخص: لو حد قيمة الانجاز المعنوي والتقدير وحرية الوقت مثلا، وشغله له مواعيد محددة صارمة ومحدش بيشكره علي مجهوده وشغله يبقي ده هيوصله لل Burout بعد فترة.

- الوظيفة مش مناسبة للشخص Poor Job Fit: لو الشغل مش متناسب مع اهتمامات ومهارات وشخصية الشخص هتوصله لل Burnout.

- ضعف السيطرة: لو الشخص مش متحكم في مواعيده لتسليم المهام ومضغوط وجدوله مش هو اللي بيحدده

- ال Micromanagement و ال Office Bully.

- قلة الدعم أو الانتقاد للعمل من دايره الأصدقاء والعائلة وال Partners طبعا وعدم القدرة علي التوازن بين جوانب الحياة بسبب ضغط العمل.

ونتيجة الكلام ده بيكون الشخص معرض للتالي:
- حالات قلق دائم وآرق.

- انفصال عن حياته الشخصية وفقد الاهتمام بعلاقاته.

- أكتئاب.

- عنف علي اقل الأسباب.

- لجوء للمخدرات أو شرب كحليات "عادات ادمانية".

- أمراض جسمانية زي الضغط وأمراض القلب.

مين الناس الأكثر عرضة للموضوع ده :

- الناس اللي نمط شغلها ونجاحها بيمنعهم من عمل اي حاجة تانية.

- الشخص اللي بيحاول يكون كل حاجة لكل الناس.

- الناس اللي بتشتغل في Helping Profession.

- الناس اللي معندهاش أي سيطرة علي شغلها واختياراتهم المهنية.

طيب نتغلب أزاي علي الحالة دي:
- الوعي باللي بيسبب الضغظ وبعد تحديده أم نحل السبب أو علي الأقل نكون واعيين بضرورة تقبله لفترة "مهم قوي لقترة دي".

- تقييم الاختيارات المتاحة: أتكلم مع مديري مثلا في فكرة هل العمل من المنزل متاح أو تطبيق نظام مرن اكتر في ساعات العمل أو إمكانية التدخل في وضع المهام وتحديد مواعيد تسليمها.

- الإجابة علي سؤال هل شغلي و مجالي متناسب مع ميولي المهنية وشخصيتي ومهاراتي؟ ولو لأ يبقي نحط خطة لتغيير ده في أقرب وقت.

- مشاركة الحالة دي مع دايره دعم سواء أصدقاء أو مجموعة متخصصة.

- نراقب سلوكنا نفسه؛ هل أحنا بقينا سلبيين بزيادة ومستعجلين علي تحقيق طموحاتنا أو أصبحنا تنافسيين وعاملين نحارب في اللي حوالينا، لو ده مظبوط، يبقي نبدء نطلب مساعدة لتعلم مهارات جديدة.

- نلعب رياضة أو يوجا ونمارس أنشطة تأمل، مع إننا ننام كويس علي النوم لوحده علاج.

- وطبعا نبعد عن الناس اللي بتقلل من حجم المشكل بتوع "احمد ربنا علي كل حال".

وطبعا مش لازم نستني لما نوصل للمرحلة دي عشان نعيد ترتيب حياتنا، لان المتلازمة دي مراحلها المتقدمة صعبة.

© HUD Systems 2019