الفرق بين الشهادات الاكاديمية والشهادات المهنية

Aya Eldighady Aya Eldighady
مقالة Career Coaching تاريخ النشر : 1 year ago

أمبارح بتكلم مع صديقة عن شهادة دولية معتمدة في تخصصها أول مرة تعمل في مصر، تدريب لمدة ٤ أيام وتكلفته تقريبا ١٥٠٠ دولار، وكان تعليقها "هدفع في ٤ أيام ٣٠ ألف جنيه؟!"

وصديق تاني بالصدفة بدء دراسة في شهادة متخصصة بره مصر تقريبا تكلفتها للمستوي الواحد ٣٠٠٠ دولار وكانت صدمته عدد أيام الدراسة القليل جدا وكمان طبيعة الدراسة اللي حسب وصفه الشرح لا يتعدي ٢٠٪‏ من ساعات التدريب والباقي بحث وAssignments فردية وفي مجموعات والتدريب قايم بالأساس علي مشاركة الخبرة العملية لكل حد في شغله كدراسة حالة وتقييمها من المدرب اللي تقريبا يعتبر مجرد مُيسر أو "Facilitator" واللي صديقي كان معجب بالطريقة لكن مستغربها لأنها مش زي ال Egyptian style خالص.

وده بالظبط الفرق بين ما يسمي بالشهادات المهنية Professional Certificate والأكثر شهرة حاليا في العالم واللي بتتميز بمدة دراسة قليلة كده لأساسيات التخصص أو موضوع الدراسة وبعدها طلب فترة ممارسة عملية وتسليم مشروعات وعمل Assignment وبعدها بيتم اعتماد الشخص وعادة بيتم اختباره كل عدد سنوات لتجديد الأعتماد. الشهادات المهنية بتركز علي التأكد من اعتماد اشخاص أصحاب مهارة وكفاءة في أداء التخصصات دي مش مجرد الحصول علي معرفة نظرية فقط.

أما الشهادات الأكاديمية Academic Certificate وهي الشهادات اللي بتمنح من جامعات وبتدي درجة علمية زي ليسانس أو بكارليوس أو ماجستير ودكتوراه أو دبلوم اكاديمي مثلا، شهادة مدتها طويلة وبتهتم بإعطاء معرفة ونظريات واستراتيجيات بيتم تطبيقها من كل الدارسين وعادة مفيهاش أي متطلبات لخبرة عملية ولكن بتعتمد علي البحث والمذاكرة للنظريات والمبادئ دي وده مناسب في تخصصات معينة لو الشخص عاوز معرفة دقيقة عميقة في مجال ما يتطلب بحث.

الشهادات المهنية دلوقتي هي الأشهر لأنها بتأكد لصاحب العمل او الشركة علي كفاءة الموظف ومهارته مش بس معرفته اللي مش شرط تكون عملية وكمان بتآكد أن الشخص مر بمرحلة تعلم ذاتي وعنده طريقته الخاصة في تطبيق المبادئ اللي درسها وده بيسيب بيطور مهارات الأبداع والأبتكار في بعض التخصصات، لكن الشهادات الأكاديمية مبقتش بنفس الأهمية لصاحب العمل لأنه بيساطة مش بيدور علي صاحب المعرفة النظرية فقط.

ده ممكن يخلي ناس كتير من اللي بسمعهم مهتمين بالتسجيل في دراسات عليا علي أمل تطوير نفسهم وزيادة فرصهم في سوق العمل يفهموا ليه الخطوة دي مش الأهم لتحقيق الهدف ده.

© HUD Systems 2019