كيف تعالج النفس المجروحة؟

Nancy Maher Nancy Maher
مقالة Life Coaching تاريخ النشر : 9 months ago

في بوست كتبته قبل كدة اسمه #شفاء_النفس وبوست تاني عن #المشاعر_السلبية
كل المشاعر دي بتطون بسبب جراح عميقة في النفس ...
والسؤال اللي بنحاول نتناوله مع أي حالة مجروحة

إزاي نتعامل مع الجرح؟؟!!

1. أهم شرط في كيفية شفاء النفس هو #وجود_النية
يعني مهم جدا أن الإنسان المجروح يكون عاوز يشفى .... شفت حالات كتير داخلة علاقات جارحة و #مش_عاوزة تخف أو تخرج منها
الحالات دي بسميها #الجرح_الإرادي أو #الجرح_صعب_الشفاء بسبب وجود مقاومة من جوا الإنسان للعلاج

2. الخطوة الثانية ... هي #معرفة و #تحديد #سبب_الجرح بالظبط
ولو قلت السبب واضح و حددت الأسباب الظاهرة يبقي اعرف انك لسة تايه...
لأن السبب الحقيقي بياخد وقت في اكتشافه علشان غالبا بيكون جوا قوي النفس والقلب ومتغطي بمشاكل ظاهرية هي اللي بتخدعنا ونفتكرها السبب
يعني
لو بنت مجروحة من علاقة استغلالية .... السبب الظاهري... انها ارتبط بشخص استغلها
السبب الحقيقي هو الجوع العاطفي جواها للحب والعطش للاهتمام

او لو أم مجروحة من عدم اهتمام ولادها بيها
السبب الظاهري.. هو غياب الأبناء
السبب الحقيقي ممكن يكون بسبب ضعف علاقتها بزوجها او خوفها من الوحدة او الفراغ العاطفي والذهني... او اي سبب تاني
وهكذا

3. الخطوة الثالثة #دور_على_مساعدة
علشان تبدأ التعامل مع السبب اللي اكتشفناه .... ودة ليه techniques وطرق واساليب كتير بتختلف من حالة للتانية ومن شخص للتاني ومن موقف للتاني. هديكو شوية أمثلة
... الشعور بالوحدة بنعمله تمارين الشبع العاطفي
... الشخصية الغضوبة المفروض تعمل anger management sessions
.... واللي جرحه نتيجة خوفه من الناس بنشتغل علي الحدود
... واللي جرحه من ألفاظ الناس وكلامهم نقوي ثقته في نفسه ونعلي صورته الذاتية
وهكذا
أحيانا المساعدة بتكون مهمة جدا من الخطوة التانية علشان تساعدك في تحديد السبب كمان

4. #التعافي
بيتم بالصلاة والدعاء والتمسك بالرب سبحانه شافي كل النفوس ومعين الضعفاء ومجبر المكسور وناصر المهزوم ومقوي الضعيف ... ارجع لربنا علشان تعرف تبقي اقوى وتقدر تهزم المشاعر السلبية

5. خلي بالك من #الثعالب_الصغار_المفسدة_للكروم
كتبت عنها بوست قبل كدة... واللي اقصده هنا هو الناس اللي بترجعك للخلف او بتعوق تقدمك او بتحطم فيك او بتعطل خطة شفائك .... او اي حد بيخليك تفضل مجروح

6. #الحفاظ_على_الهدف
تمسكك بهدف التعافي بيساعدك تكمل وتستمر في خطة الشفاء ومتقفش خالص
طول ما انت عينك علي الهدف هتفضل صامد وصابر وتجتهد اكتر واكتر علشان نطلع لقدام ونبقي احسن

7. #الإحلال و #التبديل و #ملء_الفراغ
يعني نبدل العلاقة الغلط بعلاقات صح بالناس اللي حواليا بيحبونى. اهل اصدقاء. ....الخ
او نبدل الفكرة السلبية بافكار ايجابية بناءة
او نبدل الخوف بالاطمئنان والشعور بالأمان
وهكذا

8. #اثبت_على_مبدئك
اوعى ترجع ..
اوعى تقع..
امسك في ربنا قوي وامسك في المساعد اللي بيعينك وخليك ثابت كدة #خليك_راجل مع نفسك كدة واوعى تحن او تلين او تشفق علي مصدر الجرح

9. تعلم #الغفران والتمس #الأعذار
أحيانا كتير جدا بيكون الغفران للي جرحك وسيلة مهمة جدا في التعافي
ساعات كتير اطلب من الزوجة تسامح زوجها علي تصرف او خيانة
وترفض لانها فاكرة انها كدة بتساعده هو
في الحقيقة الغفران بيساعدك انت علي التعافي لان خطوات الغفران بتتضمن شفاء نفسي للإنسان نفسه قبل ما بتفيد الشخص المذنب

10. تعلم #فن_الحياة
حب نفسك وقدر قيمتها
شوف كل النعم اللي ربنا بيغنيك بيها واشكره عليها
اشكره علي الناس اللي حواليك
اشكره علي المشاعر الايجابية اللي محاوطاك
اشكره علي النعمة اللي مديهالك
اشكره علي انه بعتلي البوست دة النهاردة 😊😊😊

ربنا يعين كل مجروح
ويشفي كل متألم
ويعوض كل إنسان فقد عزيز
ويقوي كل ضعيف
ويحمى كل إنسان من الجراح

© HUD Systems 2019