انا بكره جسمي

Mai Shaaban Mai Shaaban
مقالة Fitness Coaching تاريخ النشر : 9 months ago

تعرف انا بكرهك.

ليه كده؟

خانقني كده ومش عارف اتحرك منك وشكلك مش عاجبني وعلى طول تعبان شوية وجع ركب وشويه وجع ضهر.

طب انا ذنبي ايه كنت ممكن اعمل ايه انا؟

مش عارف تخس كام كيلو وكل ما احاول معاك مفيش فايده!

انا اللي بيدخلي بتعامل معاه انا تعبت من كتر الضغط عليا وبحاول اساعدك والله بس مش عارف اعمل ايه؟

يعنى انت عاوز تفهمني اني انا السبب؟!

انا مقولتش كده بس انا والله مش عارف اساعدك ازاي طب ممكن نسأل المخ.

يا استاذ مخ حضرتك ليه كل حاجه أكل أكل ارحمني مش عارف اخس.

انا مالي انا عاوز ابسطك.

تبسطني ازاي يعنى هو انت شايفني مبسوط؟

انت من زمان مسجل عندي ان الاكل بيبسطك وبيسليك وبيضيع الزعل وبيكمل الفرحة، ولما بتحصل حاجه من دول ببقى عاوز اساعدك، اعمل ايه انا!

معندكش مخ تفكر هو انت شايفني مبسوط ولا بضايق بعدها وبضايق من شكلي وبتعب من صحتي.

ماهو انا مبفهمش غير اللي بتدخلهولي انت بتقول انه بيبسطك بطلعه بتقول انه بيضايقك لما بتاكل بخليك تتضايق ولما اضايقك بتزعل اقوم افكر ابسطك باللى بيبسطك.

يعني برضه انا السبب؟

يا جسمي انا اسف ظلمتك طب تعالى نبتدي مع بعض صفحة جديده اساعدك ازاي؟

خلي مخك يمشي معايا مينفعش تبقى عاوزني رشيق ومخك بيمشيني في اتجاه عكسي مينفعش تبقى عاوزني العب رياضه وانت بتقول عليها تعب وارف مخك هيضايقني.

يا مخي بطل تضايقه بقى عاوزين نبدأ صفحه جديده.

والله انا صفحه بيضا امسح واكتب اللي انت عاوزه لو قولت ان الاكل مش من اولوياتك وحطيت بدايل هطلعلك البدايل وهبعد الاكل المهم انت عاوز ايه؟

انا عاوز اخس يا جماعه وجسمي يساعدني ومخي يساعدني.

ساعدنا نساعدك احنا تحت امرك وفي خدمتك وبنحبك وعاوزينك مبسوط.

بصراحة الأكل حلو وممتع هو احتياج ومحتاج اديره صح لأنه لما بيفلت بتقلب غم وانا عاوز ابقى مبسوط مش زعلان والدنيا مش اكل واملي بطني يا اما خس وجزر اكيد في حل وسط، تعالوا نعمل اجتماع ونتفق اتفاقات.

وبعد ما قريت المحادثه دي ايه الاتفاق اللي محتاج تعمله دلوقتي؟

© HUD Systems 2018