أظهار الثقة في العملاء و تحفيذهم

Basma Elbishbishy Basma Elbishbishy
مقالة Life Coaching تاريخ النشر : 11 months ago

Empower and Show Faith with your Clients

من أدوات التربية الايجابية بعد ما شفت بعيني ازاي مفعولهم ساحر مع الاطفال، وبما ان علم التربيه الايجابيه مبني علي علم النفس فبالتالي فهم لهم مفعول السحر على النفس البشرية عموما مش بس الاطفال.

من روعه الكوتشنج انه بيوفرلك شخص مؤمن بيك طول الطريق مؤمن ان جواك كنوز و كل اللي بيفكر فيه انه هيلاقيها، يعني هيلاقيها لانها يقينا موجودة مش بيبص بنظره "يا ترى هو في ولا لأ!" بمعني ان الكوتش مينفعش يسأل نفسه مجرد تساؤل "هل الانسان ده جواه شيء قيم يستاهل نشتغل عليه ولا لأ؟" في الحاله دي ايمانه اصلا مش كافي انه يساعد.

انما لو عنده المهاره دي هيكون دايما أداؤه مع العميل كله تشجيع و تحفيز و عبارات اظهار الثقه زي "انا واثق انك هتقدر، لازم تكون فخور بنفسك انك بتحاول و بتسعي ..." عمره ما هيشكك في قدرات العميل او هينقله مجرد شعور انه مش واثق فيه.

خطر جدا انك تحسس العميل انك مش مصدق انه يقدر والاخطر لو انت ككوتش متخيل انه مش هيقدر و ساعتها يستحسن متدخلش في علاقه كوتشنج مع العميل ده واعتذر.

ولو انت عميل و حسيت بذرة شك في عين الكوتش بتاعتك، انهي العلاقة لمصلحتك لان ده مش هيكون افضل حد يساعدك.

وحاجه تانيه، ككوتش مهم جدا تراجع نظرتك لنفسك الاول لان يجوز ده انعكاس او إسقاط علي نفسك وانك مش واثق كفايه انك تقدر.

ومهم تؤمن بنفسك الاول انك تقدر علشان تقدر تؤمن ان اي شخص تاني يقدر برضه.

شجع و حفز نفسك و اظهر الثقة فيها و تأكد ان ده هينعكس على علاقتك بعملائك.

© HUD Systems 2019