هذا انت (2)

Hanady Mostafa Hanady Mostafa
مقالة Life Coaching تاريخ النشر : 10 months ago

(اغتنموا وافد الرحمن فإن أكرمتموه .. أكرمكم باقى العام )

اتفقنا فى البوست اللى فات أن للنفس أطوار و أوجه .. بتختلف و تتعاقب و تتجدد و تتغير طول الوقت .. و إن انت زى القمر 🌝☺

معاملات و ممارسات غلط بقى مع النفس بنعملها طول الوقت 😢 - للأسف:

١. النظرة 👀
نفسك ليست شيطانك الذى يسكنك ..

يعنى مش دايماً بتأمر بالشر او بتغوى لضلال علشان بس فيه ناس كل ما تتكلم تفكرنا ب"النفس الأمارة بالسوء" و تنسى إنها نوع من النفوس بس كمان فى نفس السياق ربنا ذكر "النفس اللوامة" اللى بسببها الانسان بيبقى ليه حد يقف عنده و يكفى شره و أذاه عن الناس و تخليه يراجع نفسه بعد الغلط و يندم (و الندم ده فى حد ذاته نعمة عامل كدة زى الكهربا لما تتكهرب مرة حتحرم تيجى جنبها تانى .. اهو بردو الندم برغم أنه احساس بيوجع إلا إنه يورثك العظة!)
و ذُكر فى نفس السياق كمان "النفس المطمئنة" .. ربنا يجعلنا منها و يوصلنا ليها!
و حتى حين يذكر الشرع النفس بيتكلم عليها إنها زى "الطفل" .. بيحتاج تربية و تهذيب و فهم و كلام و محايلة و زى ما بيحتاج شدة فى حين بيحتاج للين فى أحيان أكتر .. بس احنا اللى بننسى و نعلق لنفسنا العصاية و بعدين نرجع نقول .. هو انا مش مبسوط ليه؟ مش مرتاح ليه مع انى بعمل "الصح"؟ مش بتقدم ليه؟

٢. التوقعات 💹📝
دى ليها علاقة بالأطوار اللى اتكلمنا عليها قبل كدة ..

تبقى انت فى طور معين (هلال🌙) مثلا .. يا دوب عندك طاقة تمشيك و نورك يا دوب منور قدامك خطوتين و قمة الانتصار إنك تعدى يومك سليم نفسيا و معافى ساعتها بتطالب نفسك ب طاقة (بدر🌝) منور نوره لازم يغطى و يفيض و تلوم نفسك على انك مطلعتش اد توقعاتك ..
حلو إنك يبقى عندك طموح .. مطلوب كمان .. مطلوب منك اكتر إنك تبص لحالك و تحترم الطور اللى انت فيه .. و محدش حيقولك اللى انت محتاجه اكتر من صاحب الحاجة اللى جواك .. نفسك!
محتاج تتعلم تكلمها ازاى .. و تسمع منها احتياجاتها .. و تلبيها .. و ده يتطلب انك تعرف لغتها ايه ..
و الاهم من كدة محتاج تعرف إن نفسك طول الوقت بتكلمك بس ..

"كلام النفس همس .. و زعيقها وجع!"

معندهاش درجة فى النص .. لو مسمعتهاش و هى بتهمس ماتشتكيش لما كل حاجة فيك توجعك .. فعلياً!

#ونفس_وما_سواها
#حكايات_هنادى

© HUD Systems 2019