عقدة الذنب

Nancy Maher Nancy Maher
مقالة Career Coaching تاريخ النشر : 5 months ago

في أسئلة يتصحيكي كل يوم من النوم
. اسيب الشغل ولا اكمل
. الاولاد ولا الcareer
. هو انا مقصرة في حق ولادي ولا انا ام كويسة
. هو انا زوجة كويسة ولا بخسر زوجي
. اسيب اولادي في حضانة ولا اسيبهم مع مامتي
. طيب هو انا اصلا بارضي مامتي ولا انا مقصرة في حقها

وغيرها ملايين الاسئلة اللي بتوجهها لنفسها اوبتسمعها بشكل شبه يومي من داخلها اولا ومن اللي حواليها كمان
الاسئلة دي يا جماعة قادرة علي تحطيم حياتك بشكل كامل
علشان كدة ارجوكي كفياكي #جلد_الذات

اليكي هذه الروشتة السحرية علشان تبطلي تدمري نفسك طول الوقت
1. اعلمي انك #صمام_الأمان للبيت وللأسرة و من غيرك مفيش حاجة هتكمل او بيت هيعمر
2. ربنا سبحانه اداكي قدرة رهيبة علي التفكير والتدبير والتخطيط تفوق في عظمتها اعظم مديرين الشركات في العالم
علشان كدة اوعي تصدقي انك مش بتفهمي او انك مهملة
3. لو حسيتي بالتقصير او زوجك اوهمك انك مقصرة ارجوكي هاتي ورقة وقلم واكتبي كل الادوار والمسئوليات اللي في البيت واقعدي مع زوجك قاعدة لطيفة في ساعة صفا وابدأي وزعي الادوار بينكو واتفاهموا سوا بدل ما نلقي التهم علي بعض وخلاص
4. حبي نفسك واهتمي بيها مش عيب ان يكون ليكي مساحة لنفسك تهتمي بصحتك وروحانيتك واجتماعياتك ونفسيتك لان دة بيساعد قوي انك تبني وتأسسي
5 لو مش عارفة تعملي كل دة دوري علي حد يساعدك وينبهك علشان متقسيش علي نفسك اكتر من كدة
اشكري نفسك كل يوم الصبح وقولي انا ام عظيمة وزوجة هايلة

#امرأة #زوجة #زواج #حب #حياة #مشورة #مشورة_زوجية #مشورة_اسرية #الاحساس_بالذنب
.#معا_نحو_زواج_ناجح
#نانسي_ماهر

© HUD Systems 2018