الصحة النفسية = الصحة الجسدية

Dina Shaaban Dina Shaaban
مقالة Life Coaching تاريخ النشر : 2 years ago


طبعا اي حد فينا يشتكي من اي تعب جسدي سواء عظام، أسنان، معدة، صداع... تلاقي كل اللي حواليه بينصحوه بزيارة طبيب مختص للتعرف علي سبب الألم او التعب، وبندخل في سلسلة من الكشوفات والاشعات والتحاليل للتعرف علي السبب وبالتالي علاجه.

وساعات بيحصل اننا مانوصلش للسبب وده بيزيدنا إصرار للبحث بشتي الطرق و كمان بنقلق علي نفسنا..

في الحالة ديه بيبتدي الطبيب محاولات اكثر عمق من مجرد البحث في الأعراض الجسدية وينتقل إلي إمكانية وجود أسباب نفسية هي اللي أثرت علي أعضاء الجسم و ظهرت في شكل الألم او التعب اللي احنا حاسين بيه..

هنا بقي "جرس الانذار" الداخلي بتاعنا يرن والعقل يرفع الحصون بتاعته و نقول "لاااا احنا كويسين "، او "الدكتور فاشل"، ممكن كمان نقول "هو عشان مش عارف يشخص بيقول اي حاجة"!!

علي الرغم من ان الأبحاث والدراسات الحديثة اثبتت ان معظم الأمراض الجسدية المتمثّلة في الصداع بأنواعه، او اضطرابات المعدة والقاولون واللي ممكن توصل لتساقط الشعر والتهابات الاعصاب، بل كمان أمراض السمنة والنحافة وحاجات كتيييير لا تعد ولا تحصي أسبابها في الأساس أسباب نفسية أدت لظهور هذه الأمراض الجسدية..

الصحة ليست فقط صحة جسدية بل صحة نفسية اصلا

لما حد بيجي يشتكيلك من سنانه تقوله روح لدكتور أسنان، ياريت بردو لما يشتكي انه مضغوط او غضبان او مكتئب تنصحه يروح لمعالج نفسي ، لإن زي ما إحنا مش بنفهم في الأسنان كمان مش بنفهم في الامور النفسية

© HUD Systems 2019