كلمة لياقة

Dina Shaaban Dina Shaaban
مقالة Life Coaching تاريخ النشر : 1 year ago

الكلمة ديه اول ما بتتقال مخنا لا إرادياً بيفكر في الرياضة والgym

اول ما تتعب من شوية مجهود،

او تمشي شوية كتير،

وممكن كمان لو لعبت ماتش كورة او نزلت تجري بعد فترة طويلة من الكسل ..

تقول لااااا مش حينفع كده لازم أقوي عضلاتي عشان جسمي يتحمل مجهود اكبر..

وتبدي كلمة "لياقة" تلمع قدام عينيك..

طيب أدي العضلات .. عمرك بقي سألت نفسك اخبار نفسيتك ايه؟!! ..

ليه دايما بنفكر في تطوير قدراتنا الجسدية وبننسي قدراتنا النفسية؟!

كل يوم بنتعرض لضغوط مختلفة الأنواع والاشكال .. من اول بقي الغضب للقلق وشوية توتر مع حبة مسؤوليات كتير وممكن ننجح او نفشل ، والموضوع بيوصل لفقد مال او شخص او علاقة!!

تخيل كل ديه ضغوط نفسية بنتعرض ليها كل يوم !! طب هل انت وانا والناس اللي حوالينا عندهم "اللياقة النفسية" الكافية اللي تخلينا تتخطي الضغوط ديه واحنا في حالة توازن وتوافق؟!..

انا عارفة الإجابة وشيفاها ف عينيكم من غير حروف..

طيب كده احنا محتاجين نروح gym مخصوص.

محتاجين مدرب يرشدنا نشتغل علي افكارنا ومشاعرنا عشان تبقي قدرتنا علي تحمل الضغوط أقوي زي المدرب اللي بيساعدنا تتمرن وعضلاتنا تقدر تتحمل مجهود واثقال اكبر..

© HUD Systems 2019