التكرار هل بيعلم الح*** زي ما الكل بيحكي

Shaymaa Al-Okaily Shaymaa Al-Okaily
مقالة Career Coaching تاريخ النشر : 4 months ago

و أحنا صغار ، كان المدرس بيعلمنا "أن التكرار بيعلم الشطار"، و قعدت فترة كبيرة و أنا فاهمة دى جدا

و لف الوقت و بعد كام سنة ، يعني نقدر نقول 6 سنين مثلا، دخل الفصل مدرس تانى و قال " أن كتر التكرار بيعلم الحمار"، و كلنا كنا متضايقين جدا، لأن مفيش حد عاقل يحب يكون حمار أو يتم شتمه

ليه بحكى الكلام دى دلوقتي؟

مدرسة أبني أقنعته أن اللى يسأل السؤال نفسه مرتين، يبقي غبي :( ، يمكن كل الأسميليز في الدنيا مش هتكفي الأستياء الشديد جوايا

لأن أبني مؤمن بكلام المدرسة جدا، و أصبح لو حد سأل السؤال مرتين ، أذن هو غبي
أنا بقيت شايفة أن الناس عايزة تعرف عدد محدد عشان يعرفوا يوصموا الناس صح

يعني كام مرة و أقول فشلت؟، كام محاولة و أقول أنها مش نافعة؟، من كام درجة النجاح عشان أعرف أنا فشلت ؟

خلونا ناخد أمثلة كده للانجاز
السباح الأول على العالم، هوالأولي بعد كام مرة تتدرب فيها؟؟
السباح الأول على العالم، لبس نفس الهدوم، نفس النضارة، تدرب في نفس حمام السباحة، كرر نفس الطريقة لما اتقطع نَفسه يوميا، و هو عمال يكرر و يكرر و يكرر، و يكرر
أذن التكرر و التطوير و التعديل هو اللى ساعده يبقي الأول على العالم

خلونا ناخد مثال في العلم و الأسئلة

أينشتاين، لما كان بيسأل و بيسأل و بيسأل، و العلماء هل دى كان غباء منهم أنهم بيكرروا السؤال مرتين و أكتر عشان يتأكد أن الاجابة صح و لو مش مقتنع يبحث عن أجابة شافية لعقله و لنفسه

السؤال المعتاد اللى بسمعه، بعد كام مرة المفروض أقول أني فشلت، بعد كام مرة أقول أن مش هكمل في الطريق؟

السؤال دى بيستأل حتى قبل ما يبدأ الشخص و يستمتع بالطريق و يفهمه

يا الكيكة تنجح من أول مرة يا مش هعمل حلويات

يا المدير يصقف من أول مرة شغل، يا مش عايز أشتغل أو بشتغل مجبر

يا الولد يعرف يقرأ و يكتب من أول أسبوع يا نبدأ ندور على دكاترة و الولد عنده مشكلة

أنا بتكلم عن الناس اللى عندها سقف المحاولات في الأشياء أقل مما ينبغي خالص

خلي بالكم شوية من النجاح اللى تقدروا تحققه لو عملت شوية محاولات أكتر

كوتش شيماء العقيلي

© HUD Systems 2018