انا خايف اتساب

Rania Shoukry Rania Shoukry
مقالة Relationship Coaching تاريخ النشر : 1 year ago

الخوف من الهجران والفقد:

بيبدأ في الطفولة ، لما حد من الاب او الام بيختفي لسبب من الاسباب او مبيبقاش متاح شعوريا للطفل.

بيطلع الانسان عنده خوف من الفقد دائم ، ويكبر ويقرر يعيد تجربة الفقدان مرة واتنين وتلاتة في علاقاته علشان هو ده نوع الالم اللي عرفه واتعامل معاه.

ممكن واحدة تلاقيها دايما تختار واحد مش متاح زي انه يكون لعبي او بتاع بنات او متجوز او جامد عاطفيا وتلاقيها منجذبة ليه ومتعلقة بيه. ولو قالها حسيبك ، بتنهار وتكتئب.

وبكده يفضل النمط يتكرر ونفضل خايفين من الهجر ونكرر التجربة.
او نبدء نحط سور علي مشاعرنا ونرفض اي تواصل عاطفي علشان منتجرحش تاني ونتساب تاني.
مهم اوي نبقي واعيين بالنمط ده جوه علاقتنا.
نفهم احتياجات الطفل الداخلي اللي جوانا.
نعرف احنا ليه بننجذب للنوع ده من العلاقات؟ ، ايه النمط اللي بنكرره ؟، ايه اوجه الشبة بين الناس اللي دخلنا معاهم في علاقات ؟
الوعي الذاتي باللي بيحركنا هيخلينا فاهمين ايه اللي بيحركنا وبالتالي مش هنكرر نفس الاخطاء.
#رانياشكري

© HUD Systems 2019