اختيارتك لاولادك

Marwa Morsi Marwa Morsi
مقالة Parenting Coaching تاريخ النشر : 9 months ago

#اختياراتك_لولادك
أكيد فيه مرحلة في حياة ولادنا أحنا اللي بناخد القرارات بالنيابة عنهم لعدم أهليتهم ...
وأكيد القرارات دي محتاجة أب وأم واعيين ومدركين تأثير القرارات دي علي حياة ولادهم كمان كام سنة قدام ....
حتعرفوا إنتوا اخترتوا صح إمتي ... أما تشوفوا الشخصية والنتيجة النهائية لقرارتكم ...
وساعتها حتستريحوا وتعرفوا أن تحملكم لكلام اللي حواليكم من احباطات ليكم زي ...
"هو الكورس دة لازمته ايه" ..
" هي لازم يعني المدرسة دي"...
"هو ايه لازمته التدريب دة"....
"ما كل الولاد بيعملوا كذا ابنك يعني اللي علي راسه ريشة"...
وغيرها وغيرها من الجمل المحبطة ....
اللي اما بتقف قدامها وتصمد ...تسجد شكر لله علي توفيقه وكرمه ...انه قدرك انك تختارله صح....
وتقرر بالنيابة عنه صح... كل التعب حيروح اما تسمع حد بيقول "الله يبارك في تربيتك" ...
" مفيش ام بتفكر لولادها كدة "....
أو شاب بيقولك ... "ياريت ابويا عمل معايا اللي عملته مع ابنك" ....
اختياراتك لولادك في مرحلة ما مسئوليتك... جهِّز نفسك كويس ...
اقري كتير ... استشر المتخصصين ...
اعرف وافهم وادرس ايه اللي محتاجه السوق الفترة الجاية عشان تجهز ابنك وبنتك للمكان المميز للي يستحقوه....
مش لازم يمشوا نفس خطواتك الدنيا بتتغير ....
"لا تربوا أولادكم كما رباكم أباؤكم..فإنهم خلقوا لزمان غير زمانكم"...
مقولة سيدنا علي بن أبي طالب' رضي الله عنه'
ثقوا في الله ... استعدوا صح... اتعلموا وافهموا واستوعبوا ...ومتشغلوش بالكم بكلام الناس ولا اللي حواليكم ...انتو ادري الناس بمصلحة ولادكم ....
واللي بيلوم عليك دلوقتي ....حيقولك الله ينور بعدين .....
ويكفي ان ابنك حيشكرك ويدعيلك ... لانك اخترتله صح....
#بنت_مرسي

© HUD Systems 2019