على كف عفريت

Nancy Maher Nancy Maher
مقالة Life Coaching تاريخ النشر : 1 year ago

من أخطر العلاقات اللي الانسان ممكن يعيشها
العلاقة اللي بالبلدي كدة "على_كف_عفريت"
اللي الانسان بيحس فيها بعدم الأمان تماما.
اللي بيكون فيها من الاخر كدة بيتحب بحساب وبيتكره او يتبعد عنه لاسباب معينة
ازاي بقي؟؟

امثلة هتوضح الفكرة اكتر علشان محدش يتوه 😃
1 زوجة تحس ان زوجها بيحبها اكتر لو عاملت اهله. اصحابه. قرايبه بطريقة معينة ويقلب عليها لو فكرت في لحظة تاخد حقها او تحط حدود لاي حد منهم بيتعدي حدوده في حياتها
2. زوج يحس ان زوجته مش بتقدمله اي حب او بترضيه في علاقتهم الزوجية الل لو عمل فعل معين او قدملها حاجة معيمة او عامل حد من طرفها بشكل معين
وهكذا....

العلاقة دي بتكون بين طرف مش فاهم حاجة عن شريك حياته وبين شخص مظلوم حاسس بالغدر والبيع مع كل كلمة بيقولها لشريك حياته او حد من طرفه وخايف بيته يتدمر مهما كان مقدم من حب وتضحية وخدمة
الشخص دة بيكون #قنبلة_موقوتة
بينفجر مع اول فرصة علشان يقول انا هنا !!!
بيحس بالعذاب والتعب والصراع طول حياته بين انه يمشي اموره او انه يخسر بيته وشريك حياته اللي غالبا بيكون عمره ما حس بحاجة من اللي بتدور جواه
لانه ببساطة يا اما عمره ما اداله فرصة يتكلم
او سمعه وعمره ما اداله اهتمام

الحل ايه بقي في المعضلة دي 😕😕
1 #الضحية
اشتغل بمبدأ الcredit يعني اصبر وانتظر للثمر
يعني ابني رصيد حلو عند شريك حياتك وخلي دة هدف في حياتك
ومن الاخر كدة ماديش حد فرصة ياخد اكبر من حجمه حتي لو شريك حياتك حاطت اولويات مش صح
اصبر وحط العلاقةفي دماغك اشتغل عليها ويفضل بمشاعدة مشير او coach وخلي قدام عينيك دايما فكرة انك تنجح مهما كان الثمن
يعني من الاخر
هتكسبه يعني هتكسبه وصدقوني ربنا بيلف الدنيا وبيبين لشريك حياتك مين اللي باقيله ومين اللي هيبيعه عند اول مطب😉
وساعتها اللي هيقوم جوازكو هو المجهود والتعب اللي انت تعبته علشان تثبت حبك وجدارتك بشريك حياتك والصبر اللي صبرته علي ظلمه وتحكماته

2. الشخص اللي مش فاهم (مش هسميه الظالم)
انت محتاج وقفة مع نفسك تراجع اولوياتك وتشوف احتياجات شريك حياتك ايه وتغتكر كدة كام مرة ظلمته وجيت عليه وحسسته بعدم الامان علشان حد او حاجة تانية او علشان نفسك بس ونصيحة ترجع حالا لشريك حالا وتقدمله حب وتعوضه عن السنين اللي ضاعت
والكرامة اللي راحت
والنفسية اللي تعبت

وخدها قاعدة ذهبية كدة لحياتك. الشخص الوحيد اللي اتقال عليه شريك حياتك هو شريك حياتك
مفيش حد تاني يستاهل تدوس بيه علي شريك حياتك مهما كان قربه او درجته وخصوصا لو شريك حياتك حد سوي وبيحاول
#معا_نحو_زواج_ناجح
#على_كف_عفريت_نانسي_ماهر
#نانسي_ماهر

© HUD Systems 2019