انا مش واثق فى نفسي

Mai Shaaban Mai Shaaban
مقالة Life Coaching تاريخ النشر : 1 year ago

اول خطوة بعملها مع اي عميل بسالة يعني اية مش واثق في نفسك؟
امتى بتكون مش واثق في نفسك؟

فهو غالبا بتكون في حاجة او 2 شايفهم مش كاملين فية او بيقارنهم بحد
فيقولى يعنى كذا وكذا
وغالبا تيقى ملهاش علاقة بنفسة اصلا
لانه ميعرفش يعني اية نفسة وازاى يقدرها مهما حصل ومهما كان

اول خطوة اسال نفسك يعني اية مش واثق في نفسى؟
اولا: لازم تعرف اية هي نفسك اللى مبتبقاش واثق فيها
بسبب فعل او ظرف او شكل او تجربة

النفس: هى اللى ربنا خلقها وكرمها وسخر لها الكون كله
النفس هى اساسك هى اللى كانت فيك وانت طفل وهتفضل معاك لحد ما تعجز وتموت
مهما حصل معاك قبل الولاده واثناء حياتك هتفضل نفسك متكرمة
لان اساسها من الله
لانها خلق الله
هى النفس دى اللى لازم تتقدر مهما حصل بدون شروط
انت مش اسمك ؟
لو كان اسمك اسماعيل ولا حسنين ولا ماهينور ولا فتحية كنت هتفضل انت انت برضة
وانت مش جسمك ؟
دى بدلة علشان تدخل بيها امتحان الدنيا لو طلعت عند ربنا هتسيبة يتحلل ويبقى فى التراب لكن انت الحقيقى اللى هتكون عند ربنا
لو حد اتبرعلك بكلية او كبد برضة هتفضل انت
لو جزء من جسمك بقى مش موجود برضة هتفضل انت
انت مش ظروفك ؟
الظرف بتاع انهاردة ممكن يتغير بكرة والبلد اللى فيها انهاردة ممكن تسافر لغيرها بكرة
الرزق اللى معاك انهاردة ممكن يتجول بكرة
حتى مهنتك انهاردة ممكن تتغير بكرة
انت مش افعالك ؟
انت بتعمل كام فعل فى اليوم طب عملت كام فعل فى حياتك انت مين فيهم ؟
انت مش افكارك ؟
بتفكر كام فكرة فى الدقيقة ؟طب افكارك دى ثابتة ولا بتتغير ؟
طب انت انهي فكرة فيهم
انت مين ؟
انت بني ادم وخليفة الله وربنا كرمك وسخر لك الكون
ركز فى امتحانك وقدر نفسك لانها خلق الله

تخيل نفسك هتموت حالا مين اللى هيطلع عند ربنا
هى دى بقى نفسك اللى لازم تقدرها
وهى دى نفسك اللى انت بتربطها بحاجات ملهاش علاقة بيها
تابعوا سلسله انا مش واثق في نفسي
#مي_شعبان

© HUD Systems 2019