قلة الثقة وعدم تقدير الذات

Neven Hamdy Neven Hamdy
مقالة Life Coaching تاريخ النشر : 1 year ago

♥️ قلة الثقة وعدم تقدير الذات ♥️

مؤخراً اكتر من ٧٠٪‏ من جلسات الكوتشينج اللي بعملها مع عميلاتي بيكون موضعها الاساسي قلة الثقة بالنفس

بقيت اول ما اسأل اية الموضوع اللي حابة نعمل علية كوتشينج ؟؟؟ بقي كتير قوي اسمع
معنديش ثقة في نفسي - مليش قيمة - مش حاسة اني منجزة - مش عارفة استمتع بأي حاجة بعملها

طيب في البوست دة هكلمكم عن ٣ مراحل لقلة الثقة بالنفس وهما:
انا مش كفاية 🙁
كفاية بقي 😩
انا كفاية 😌

اية كل الكفايات دي 😒
تعالوا وانا اقولكم 😉

دلوقتي من خلال الكلام مع عميلاتي اكتشفت ان ٨٠٪‏ من قلة الثقة في النفس وعدم تقدير الذات راجع الي :
الطفولة 🙈
راجع للتربية ونشأتها😐
راجع ان الي معظم اهالينا زمان مكنش في قاموسهم مصطلح التربية الايجابية وتعزيز ثقة الاطفال وتشجيعهم زي دلوقتي🙄

وزمان ممكن يكونوا شايفين ان طريقة تربيتهم دي هي الاصح واللي مفروض تتعمل

وبالتالي جزء كبير من نفسية البنت لما كبرت كانت متأثرة بتربيتها

زي مثلاً بعض العبارات اللي ممكن تكون سمعتها وهي صغيرة زي ( انتي عمرك ماهتنجحي - انتي شكلك مش حلو زي اخواتك - انتي جسمك مليان زي فلانة - اخواتك اشطر منك ) وامثلة تانية كتيييير قوي

دة غير التنمر اللي ممكن تكون البنت اتعرضت لة في المدرسة في ايام طفولتها

كل الحاجات دي عملت للبنت كولكيعة كل ما البنت تكبر نلاقي الكولكيعة كبرت معها
( حلوة كلمة كولكيعة دي 😁)
والبنت كبرت وحبت واتجوزت وخلفت والكولكيعة لسة معها

كل الكلاكيع دي قفلت علي البنت وحطتها جوة اطار
🙁 انا مش كفاية 🙁

لغاية ما البنت ابتدت تفوق لنفسها وجابت اخرها وطلعت من اطار انا مش كفاية ونطت علي اطار
😩 كفاية بقي😩

▫️كفاية بقي انا عاوزة احس بذاتي
▫️كفاية بقي انا عاوزة اقدر نفسي
▫️كفاية بقي انا عاوزة اعمل حاجة بحبها
▫️كفاية بقي استنزاف في مشاعري

اللحظة دي بتطلب فيها يد المساعدة علشان حد يبتدي يوريها جمال روحها وجمال قيمتها

اللحظة دي لما بقعد مع العميلة واقولها قوليلي اية اكبر انجازات عملتيها في حياتك ؟؟؟

بلاقي ردها : معنديش ولا انجاز
انا بتصدم من الرد 😳
ازاي معندكيش ولا انجاز

لازم تعرفي يا كل ست ويا كل بنت ان مافيش حد علي وجة الارض معندوش انجاز

بس المشكلة عندك انتي👈🏻
انتي اللي مش شايفة انجازاتك 😐
انتي اللي شايفة ان اي حاجة بتعمليها عاااااادي جداً🙄
انتي اللي مقللة من قيمة نفسك ومش مدياها حقها😞

الجميل هنا بقي لما بخليها ترجع للزمن من ايام المدرسة مثلاً بنبدء نطلع كم انجازات عملتها في حياتها والله بتوصل معايا لحد الانبهار بجد😃

بس ياقلبي هي مكنتش حاسة بأي انجاز لانها كانت جوة اطار انا مش كفاية🙈🙈

بس لما دخلت اطار كفاية بقي وابتدينا واحدة واحدة نشيل الغشاوة من علي عينها ابتدت تشوف انجازاتها بشكل تاني وتستشعر حلاوة اللي عملتة😍

واحدة واحدة بتبدي تطلع من اطار
🙁 كفاية بقي🙁 وتنط جوة اطار⬅️
😌انا كفاية😌

بحس بقي ان المرحلة دي انتي كدة بقيتي برنسيسة في نفسك 😁

مش فارق معاكي تعليق حد 😌
مش فارق معاكي حد يقدرك ولا يشجعك😌
مش فارق معاكي حد ينتقدك😌

لان انتي بقيتي كفاية بنفسك ♥️ بقيمتك ♥️ بأنجازاتك ♥️

بقيتي عارفة نقاط قوتك ونقاط ضعفك 💪🏻

بقيتي عارفة اية اللي بيبسطك واية اللي بيضايقك 😃

ولذلك
بطلب من كل ست لسة قعدة ومتقوقعة جوة اطار 🙁انا مش كفاية 🙁

انها تقوم تقف علي رجليها وتواجهة نفسها وتقولها📣📣

انا كفاية💪🏻
انا استحق اقدر ذاتي 😍
انا استحق اني اعيش مبسوطة 😌

⭐️ دوري وشوفي سعادتك وانبساطك فين؟

⭐️ قدري قيمتك وحبي نفسك

⭐️ اعملي كل دة بنفسك ومتستنيش حد يعملهولك لان انتي لو محبتيش نفسك وقدرتيها اوعي تستني حد ان يقدرها وانتي مش شايفاها اصلاً ومديلها حقوقها

ياتري بقي انتي في اي مرحلة من المراحل الثلاثة ؟🤔

© HUD Systems 2019