انت مستطيل كبير مش نقطه سودا

Mai Shaaban Mai Shaaban
مقالة Life Coaching تاريخ النشر : 1 month ago

تخيل لو شوفت واحد لابس بنطلون وماشي في الشارع
وفجاه البنطلون اتبقع
قعد يعيط وانهار رجلي باظت
وفضل ماشي بالبنطلون المبقع حزين يوم واتنين
عمال يقول رجلي خلاص باظت انا بكره رجلي
ابسط حاجه هتقولهاله
دي مش رجلك ده البنطلون
قالك يااااه ده البنطلون 😉😉😉
انا كنت فاكره رجلي 😬😬
ده علي كده بقي ممكن اغيره والبس بنطلون جديد 😊😊
لكن رجلي ملهاش دعوه بالبنطلون دي رجلي مهما حصل ومها غيرت بنطلونات

كلام منطقي للاسف بننساه
افكارك.. بيتك.. ولادك.. شغلك.. وظيفتك ...غلطاتك... سلوكك السيء
دول برا نفسك
واي حاجه برا ممكن تتغير ولو حتي متغيرتش
هي مش نفسك
خرجها من جواك وحطها قدامك وسيب نفسك متقدرة مهما كان
انت خلق الله وعندك رساله
انت انسان
لما تقدر نفسك بجد
هتقدر تفهم ان الحاجات دي ممكن تتغير
بس سواء اتغيرت او لا هي مش نفسك
لما تلاقي نفسك رابط نفسك بحاجه وبتبص لنفسك من خلال الحاجه دي
اسال نفسك هي برا ولا جوا
تقدير النفس ( الذات)
الثقة في القدرات
فرق كبير بينهم
الناس دايما بتلخبط بينهم
لما حد يكون مش عارف يدير عمل وينجح فيقول انا معنديش ثقة في نفسي انا فاشل
ويبدا يحقر منها ويقلل من امكانياتة لحد ما يدخل في حالة ياس

انت هنا صراعك فى المكان الغلط
انت بتصارع نفسك
صراعك لازم يكون مع قدراتك
انت معندكش قدرة النجاح فى العمل ده
يعني عندك نقص فى الثقة فى القدرة دي
محتاج تزود القدرة دي
ازودها ازاى
ادرس
اخد كورسات
اتدرب
اشوف قصص اللى سبقوني فى المجال ده
اجرب لحد ما اتعلم
دى قدرات ملهاش اي علاقة بنفسك نفسك اللى ربنا خالقها مش هي الموقف ده
زى مستطيل ابيض جواة نقطة سوداء بيقول على نفسة انا نقطة سوداء ونسى انة مستطيل وهيفضل مستطيل وانة اكبر من كدة بكتير
..لو شلنا النقطة هيفضل مستطيل
لو فضلت النقطة هيفضل مستطيل
انت مش نقطة سوداء انت مستطيل كبير
الحلقة التالته
#مي_شعبان

© HUD Systems 2018