ازاي اثق في نفسي وانا اقل من اللى حواليا

Mai Shaaban Mai Shaaban
مقالة Life Coaching تاريخ النشر : 1 year ago

ازاي اثق في نفسي وانا اقل من اللي حواليا؟؟

عارف امتى مبنبقاش واثقين فى نفسنا ؟!
١_ لما تربط نفسك بفعل او صفة او مهارة .
٢_ لما تقارن الفعل ده او الصفة دى او المهارة دى بشخص عندة الحاجات دى اعلى منك .
والحقيقة اننا لما اتخلقنا فى عالم الارواح اتخلقنا كلنا زى بعض
كل واحد عندة امكانيات علشان يحقق رسالتة وهدفة
الشخص التانى ده بس استغل قدراتة علشان كده القدرات دى اتطورت
لكن الحقيقة المطلقة ان مفيش حد بذاتة اعلى من حد
ولا فى حد بذاتة اقل من حد
الحقيقة بس ان فى شخص بيستغل نعم ربنا علية وبيستعملها فبتزيد .
وفى حد لسا مكتشفش النعم دى او اكتشفها ومكسل يستخدمها او مش عارف يستخدمها.

والحقيقه ان المقارنة متنفعش اصلا لاننا عاملين زي الاراضي كل واحد استلم حتة ارضه فى اراضي في طبيعتها صحراوية فتنفع سفاري وتخييم , وفي طبيعتها زراعيه وتطلع محاصيل الرز , وارض للقطن , وارض علي بحر رمليه تنفع شاليهات وفنادق , وارض جبال تبقي محميه طبيعيه.
وكل صاحب ارض ممكن يستغلها احسن استغلال وممكن يهملها وممكن يبقى نفس الارض ونفس البحر جزء عليه فندق 5 نجوم وجزء فيه عشش وبحر مش نضيف .
المهم انت عاوز تعمل ايه في ارضك اراضي الناس ملهاش علاقه بيك؟؟

ولما تعرف ده وتتاكد منه تعرف ان الحل بايدك.
لكن ذاتك زى اى ذات فى الدنيا لا اقل ولا اعلى.

مش معني ان حته الدهب ساحت واشتغلت سلسله , واختها اللي قدها اشتغلت اسوره, وواحده عملت نفسها حلق وحطت فصوص خليتها تلمع ,
ان قيمتها احسن من حته الدهب الاصليه اللي لسا مخدتش اي خطوه في مشوارها المهني
يوم ما تتقيم كلهم بيتساووا الاصل والخامه واحده.

دي ممكن ترجع تاني حته دهب لو اتسيحت وحته الدهب الاصليه ممكن تشتغل اي شغلانه تانيه وتتشكل الشكل اللي عاجبها لو بس عرفت قيمتها الحقيقيه
فمينفعش حته الدهب تبص لنفسها انها اقل من السلسله ولا انها وحشه عشان حته دهب عندها فصين زياده بيتشالوا ساعه الوزن والتقييم.
ولا ينفع سلسله ولا خاتم ولا اسوره يبصوا لحته الدهب الخام انها اقل منهم
دي ممكن لو سخنت كده وساحت تعمل احلي شغل وتبقي ماركه كمان اجدع من لازوردي.

كلنا هبه من الله اساسنا واحد ووجهاتنا مختلفه
الحلقه الرابعه

© HUD Systems 2019