#الاسترونج_وومان

Marwa Morsi Marwa Morsi
مقالة Relationship Coaching تاريخ النشر : 1 month ago

#الاسترونج_وومان
ربنا ليه قوانينه في الأرض وبين البشر...هو الأعلم بينا وبطبيعتنا عشان هو اللي خالقنا ...
وفي شرع الأحكام... حنتدبر مع بعض وضع المرأة...
بتتولد وبتفضل مسئولة من والدها لحد ماتتزوج وتبقي مسئولة من زوجها ....
لا قدر الله في حالة وفاة الأب أو عدم وجوده بتبقي مسئولة من أخوها ...
لو مفيش أخ بتبقي مسئولة من عمها أو من خالها....
ولا قدر الله في حالة وفاة الزوج وفيه ابن ففي حالة اعتماده علي نفسه بيبقي برضه مسئول عن أمه ....

هي بتبقي مسئولة من شخص مش عشان أي سبب غير أنها المفروض تبقي مسئولة من حد.....
واقتضي الشرع إن ليها ذمة مالية منفصلة ... لسبب واحد ..
لما ميبقاش فيه أي حد مسئول عنها فحتكون قادرة بشكل تام إنها تكون مسئولة عن نفسها ....
ومتكونش مضطرة علي الموافقة علي وضع مهين لكرامتها أو عزتها....
يعني في الأساس هي مسئولة من رجل أياً كانت صورته....
أب... أخ ... عم... خال... زوج ... ابن....
يعني دة الاساس ... والطبيعي ...

إنما الغير معتاد أو الاستثنائي ولظروف نادرة الحدوث إنها تبقي مسئولة عن نفسها ....
يعني مفيش حاجة اسمها #استرونج_اندبنت_وومان ... دة عكس الطبيعة الأنثوية ...
عكس الطبيعة البشرية .....
وبسبب تشوهات المجتمع المستمرة .... واضطراب الأدوار .... كتير من السيدات ....
#اضطرت تبقي #استرونج_اندبنت_وومان....
لأن قلة قليلة مندثة من الرجالة الوحشين لقوها حاجة اسهل .... وافضل بالنسبة ليهم ...
ومش إنتي سترونج؟ شيلي بقي يا جميلة الجميلات .....

كتير من اللي بيقوموا بدور الاسترونج دة مش قدامهم اختيار تاني .... وحتي اللي بتقول ان دة باختيارها وانها هي اللي عايزة كدة .....وانا باكينام وانا ماسكة في نفسي ....
اعرفوا انها كدابة ... ومش بتعيط في الحمام بس .... دي بتعمل حاجات اكتر من كدة....
المرأة ليها مكان ... ليها كرامة ... ليها عزة ...
ليها أنوثة ....ليها دلع....ليها احتواء ....
ولأن البعض من الرجال مبيعرفش يوفر دة ...
والبعض منهم مش قادر يعمل دة غصب عنه ....
والبعض اتعود ميعملش دة بسبب طريقة التربية الغلط ....
فكانت النتيجة ظهور كائن يسمي #السترونج_اندبندت_وومان....
مهلهل بين الانوثة والرجولة.....بين السيطرة والاستسلام ....بين العند والرغبة......
بعض منهم غير متزن ....غير راضي ....محبط .... بيمثل الدور بإتقان...
وبعضهم عمل المعادلة الجميلة... سترونج اندبنت وومان مع استرونج اندبنت مان .... والحياة متزنة ....

#الخلاصة
المجتمع حيرجع لطبيعته رغم أنف أي معترض ... عشان دي خلقة ربنا وطبيعة البشر والادوار....
والست زي ماهي متألمة بالدور دة حتجاهد انها تربي جيل فاهم دوره صح عشان الميزان يتعدل تاني .....
#أرفض_هذا_الدور_ولكن
#استرونج_وومان_لحد_أما_يظهر_السترونج_مان
#بوست_إهدار_دمي
#عودوا_لطبيعتكم
#بنت_مرسي

© HUD Systems 2018