دوري علي الحلو اللي جواكي

Neven Hamdy Neven Hamdy
مقالة Life Coaching تاريخ النشر : 3 months ago

‎اية الحلو اللي جواكي ؟ ☺️
‎جربتي تقعدي مع نفسك وتعدي مميزاتك والحاجات اللي جواكي ؟؟؟
‎قليل قوي لما بقابل حد بيعمل كدة فعلاً.
‎اغلب المواقف اللي بتقابلني في جلسات الكوتشينج بيكون التركيز كلة فقط علي نقاط الضعف اللي جواكي☹️

‎طيب ماتيجي نقلع النضارة اللي شايفة بيها كل نقاط الضعف دي والبسي نضارة تانية تشوفي فيها نقاط القوة اللي جواكي🤓
‎اوعي تقولي مافيش حاجة فيا حلوة☹️
‎اوعي تقولي معنديش نقطة قوة😞
‎اوعي تقولي معنديش ميزة😟

‎لاني مؤمنة جداً ان كل واحدة فينا ربنا اداها ميزة وموهبة بس انتي دوري جوة نفسك وهاتلاقيها
‎طيب اعمل اية علشان اساعد نفسي الاقي مميزاتي ونقاط قوتي ؟ 🤔

‎🔹بلاش تشوفي مواقف حياتك من جانب النقص ... شوفيها كمان من جانب الزيادة
‎يعني بصي لنص الكوباية المليان بدل ماتركزي بس علي الجزء الناقص
‎مثال : خرجتي مع اصحابك النهاردة وانتي راجعة في الطريق كان زحمة جداً ووصلتي البيت علي اخرك وابتديتي تتعصبي وتحسي ان يومك كلة مقفول
‎طيب لو بصينا من ناحية تانية اة تعبتي في الطريق وكان مرهق بس علي الاقل الصبح نزلتي غيرتي جو وقابلتي اصحابك
‎هاتلاقي نفسك هديتي وبدل ماكل تفكيرك كان موجة ناحية التعب اللي شوفتية علي الاقل هتفتكري الوقت الحلو اللي قضتية مع اصحابك

‎🔹 دربي نفسك علي الامتنان يومياً
‎عودي نفسك كل يوم بالليل قبل ماتنامي تمتني ل ٣ حاجات في يومك
‎دة بيخليكي الوقت اللي قبل النوم في حالة سكون ورضا وشحن لطاقتك اللي تبتدي بيها يومك التاني ان شاء الله بكل سعادة

‎🔹 دوري علي اكتر صفات ايجابية اصحابك بيوصفوكي بيها
‎حتي لو مكنتيش انتي مصدقة الصفات دي
‎اكتبي الصفات دي علي ورقة وعلقيها قدام عينك علشان تقريهم كل يوم وعقلك الباطن يصدقهم وتبتدي تعملي بيهم فعلاً

‎🔹 متركزيش علي نقاط ضعفك وتقعدي تحلليها
‎يعني متقعديش تقولي مثلاً انا فاشلة جداً في عمل الحلويات
‎اوك فاشلة في عمل الحلويات اية المشكلة لكن رائعة في عمل الاكل العادي
‎لكن رائعة كونك ام او صديقة او ابنة

‎🌸اهتمي بروحك وقوي صفاتك الايجابية وركزي عليها ... علشان كل ماركزتي علي الايجابي هتجذبي كل ماهو ايجابي وسعيد لحياتك🌸

© HUD Systems 2019