عاوزه ابقي كوتشينج مطلوب مني اتعلم ايه

shrouk refat shrouk refat
سؤال Career Coaching تاريخ النشر : 2 months ago
عاوزه ابقي كوتشينج

ConsulTrust Admin ConsulTrust Admin

اهلا شروق لقد اجابة عن هذا السؤال مسبقاً الكوتش مروه مرسي .... " مبدئيا كده، فيه مدرستين في الكوتشينج، يعتبروا هما أكبر مدرستين في العالم وأكثرهم احترافية وليهم مجتمعات داعمة، فحاول ما تخرجش عنهم ... المدرسة الأولى: الاتحاد الدولي للكوتشينج International Coaching Federation - ICF المدرسة دي تعتبر أقدم مدرسة في الكوتشينج وأكثرهم انتشارا في العالم واللي حطت أغلب قواعد المهنة الموجودة حاليا، وليها الفضل الأكبر في نشر مهنة الكوتشينج والتعريف بيها في أنحاء العالم. المدرسة دي فيها 3 مستويات: - Associate Certified Coach. (ACC) - Professional Certified Coach. (PCC) - Master Certified Coach. (MCC) طريقة الدراسة فيها، إنك بتبدأ من كورس ACC مع مدرب معتمد من الـ ICF، وبعد الكورس بيبقى مطلوب منك شروط معينة زي عدد معين من ساعات الكوتشينج وإشراف أحد الـ Mentors على الكوتشينج بتاعك، وفي النهاية بتحصل على الاعتماد كـ ACC، وبعدها بتتدرج في بقية المستويات لو عايز. المميزات الأساسية في المدرسة دي: 1- هي المدرسة الأكثر شهرة وانتشارا في العالم. 2- مش بنفس تعقيد مدرسة MCF، وتقدر تتأهل منها للمجال بشكل أسرع. 3- شهادتها مطلوبة أكتر لو بتفكر تشتغل ككوتش في مؤسسة أو ما شابه. والمدربين اللي ممكن أرشحهم في حدود علمي في هذه المدرسة أ. أحمد الأعور، وصديقي العزيز د. أحمد مجدي Ahmed El Aawar - أحمد الأعور Ahmed Magdy المدرسة الثانية: مؤسسة الميتا-كوشتينج الدولية International Meta-Coaching Foundation - MCF ودي تعتبر تاني أكبر مدرسة في الانتشار في العالم ... أسسها د. مايكل هول، دكتوراه في علم النفس ومن أشهر مطوري نموذج البرمجة اللغوية العصبية NLP، وليه دراسات متعمقة جدا في المدارس النفسية المختلفة. وأسس المدرسة دي من خلال دراسة مجموعة من أكبر الكوتشز في العالم وأكثرهم تأثيرا، وربطها بقواعد الـ ICF مع دراساته النفسية ... فكانت النتيجة عبارة عن نسخة مطورة من مدرسة الـ ICF، جمعت قواعد الـ ICF وأقوى ممارسات الكوتشينج مع خلفية نفسية قوية للكوتشينج. وده خلى مدرسة MCF أعمق بكتير من الناحية النفسية، لأنها مش متعلقة فقط بالـ Performance وإنما أيضا "بما وراء" الـ Perfromance من معتقدات وأنماط تفكير ... عشان كده اسمها "ميتا" كوتشينج ... (كلمة Meta تعني "ما وراء" أو "ما فوق") طريقة الدراسة في المدرسة دي، إنك بتدخل الأول كورسين يعتبروا تأهيل نفسي وعلمي ومهاري قبل الوصول لمرحلة ACMC الكورسين هما - Coaching Essentials. - Accessing Personal Genius. أهمية الكورسين دول زي ما ذكرت، هي مساعدة الكوتش على اكتساب بعض المهارات الأساسية قبل دخول "مدعكة" الـ ACMC ... كذلك بتساعد بشكل كبير على تأهيل الكوتش نفسيا بحيث يوصل لمستوى عالي من الصحة النفسية قبل ما يتأهل لدخول مجال الكوتشينج ومساعدة الناس. وفيه مدربين كتير معتمدين بيدرّسوا الكورسين دول، من أشهرهم مصطفى محسن، وحسام نبيل. Mustafa Mohsen Hossam Aldin Nabil Fahmy بعد كده فيه الـ 3 مستويات زي ICF وهما - Associate Certified Meta-Coach. (ACMC) - Professional Certified Meta-Coach. (PCMC) - Master Certified Meta-Coach. (MCMC) والحصول على الاعتماد بيكون من خلال عملية Benchmarking ... الكوتش بيعمل كوتشينج في حضور أحد الـ Benchmarkers المعتمدين، والممتحن بيديله درجات محددة على كل مهارة بيعملها أثناء الجلسة، وبتتكرر عملية البنشماركينج لغاية ما الكوتش يوصل لمستوى الدرجات المطلوب لاجتياز المرحلة اللي هيعتمد فيها. المميزات الأساسية للمدرسة دي: 1- أعمق بكتير من الناحية النفسية، وبالتالي من ناحية عمق النتايج اللي بتجيبها مع العملاء. 2- أكثر دقة في عملية الاجتياز والحصول على الشهادة. 3- تقدر تعمل معادلة للشهادة وتاخد شهادة ICF وتحصل على مميزاتها لو عايز."

© HUD Systems 2019