عدم تقدير الذات

بواسطة . Rania Shoukry

Stress Relief Specialist , Relationship Coaching

ليه مبتصدقيش لما اللي حواليكي يقولك إنك جميلة؟
ليه مقتنع إنك فاشل رغم كل نجاحاتك؟
ليه مبتصدقش إن حد ممكن يحبك زي ما إنت من غير ما يكون في تمن لده أو تصرفات بتعلمها علشان تعجب؟

كل دي أشكال مختلفة بتوضح إنك مش مقدر نفسك ولا شايفها تستاهل. إنك ششخص ما ينفعش تتحب إلا بشروط وتنازلات. إن مهما اللي حواليك شافوك وقبلوك زي ما إنت برضه مش مصدقهم..
وكل ده بسبب تقدير الذات الضعيف!

تقدير الذات الضعيف بيبقى سببه الطريقة اللي اتربينا بيها والرسايل اللي وصلتنا عن نفسنا وإحنا صغيرين.
من كام سنة، ملكه جمال ولاية في أمريكا انتحرت علشان خطيبها قالها إنه شكلها مش حلو..
تخيلوا هي كانت هشة إزاي نفسيًا، لدرجة إنه انتقاده لشكلها كان السبب في انتحارها مع إنها واخدة جايزة إنها أحلى واحدة في ولايتها!
لما المتخصصين بحثوا في قصتها، لقوا إنها وهي صغيرة، أهلها كانوا بيوصلولها رسالة مستمرة إنها مش حلوة، فضلت تجري طول عمرها علشان تثبت لنفسها قبل الناس إنها حلوة ومقبولة.
ورغم كل الشوفان اللي لقيته من الناس والميديا، إلا إن جرحها القديم مخفش، وقعت من أول حد نخور في الجرح وفتحه تاني.


ممكن إنت كمان تكون بتجري في الدنيا بتحاول تثبت حاجات علشان تداري على ألم معتقدك القديم عن نفسك، هتبقى كويس طول ما إنت بتتملي تقدير وشوفان ونجاحات من بره لكن أول ما تقع أي وقعة هتنسى تمامًا كل دول، لإن الوعاء اللي كنت بتملاه للأسف مخروم من زمان.
في محاضرة :
هتفهم إزاي المعتقدات دي اتكونت جواك
إزاي بتحركك في الدنيا وإزاي بتشل حركتك كل ما تطلع خطوة لقدام.
إزاي تدور جواك وتحط إيديك على الوجع وتبدأ تنضف جرحك وتحط عليه بلاستر علشان يلم.
إزاي تتعلم تملا نفسك تاني من جوة وتعلي تقديرك لذاتك.
إزاي ما تشحتش شوفان وتقدير وإعجاب من اللي حواليك وتبقي مشاعرك عامله زي اليويو حسب رأي الناس فيك.

السعر : free

تاريخ البدء: Wednesday, February 6, 2019 , 13:00 PM

تاريخ النهاية: Wednesday, February 6, 2019 , 14:30 PM

1

جلسات

1

ساعات

التاريخ الوقت
Wednesday, February 6, 2019 13:00 PM TO 14:00 PM
© HUD Systems 2019